كلمات من عيون الفقراء الى المنتخب الوطني العراق..

[شوك الشفايف]

شكرآ ايها الصديق الجميل ..كرار جاسم.
من عراق الحضارة من بغداد الى كل العالم..

الشمس تروي للقمر حكاية شعب رائع..وتراهن على الفوز.



فازو مو گـلتلك باچـر يفــــــــــــوزون


موگــتلك الكاس ابضمة چــــــــــــــــــــــفوفك


غـير انت العراق وبيك ابو الحسنين


چــا معقوله ابو الحسنين ويعـــــــــوفك


ترى ادمـــــوع اليتامه بشرابك كرار


ياكرار كمـــله بطيــب معـــــــــــــــروفك


هـــجماتك رغيف وگــولهم تنــــــــور


هـيـچ عيون اهلنه بجوعــــــــها تشوفك


كعبه يا وطن وحنه الك متعنــــــين


حفاي بشرف وبمستحه نطـــــــــــوفك.


عدي فريد

19\1\2011

[عادل المنصوري]

والله حبيبي عدي تنحني الاقلام لك
حرت ما اعرف شرد على هاي الابيات الذهبيه
والله جبل وصعب على الانسان ان يصل الى قمتك
حبيبي عدي مشكور على هذه المفردات والصوره الجميلة اللي بكل تاكيد هي مداداً لاقلامنا وصوراً شعرية لافكارنا منكم نستفيد ونتعلم كيف نكتب وننظم الابيات
لنخرج قصيده ربما في يوم من الايام تقارن كسفح امام ذلك الجبل
حبيبي الف الف شكر
لاشتراكك معنا في هذا المنتدى

[ايناس الجمال]

صح لسانك اخي الشاعر وهاي امنيه واتحققت والله كريم بالجايات

[محمود شاكر الهلالي]

الله عليك اخي العزيز عدي

وكلنا أمل بتحقيق الفوز ان شاء الله

بجهود ولدنه أسود الرافدين

تحياتي لك

[وسن المنصوري]

حلو ويسلمو شوك ع ابداعك

[شوك الشفايف]

الاخ والحبيب والصديق الشاعر .. عادل المنصوري

الك روحي وعشكها وطيبها وحبها ... اشكرك....

[ام فيصل]

كعبه يا وطن وحنه الك متعنــــــين


حفاي بشرف وبمستحه نطـــــــــــوفك.


والله وعاشت ايدك
على هذه الابيات الاكثر من رائعة ,,, يارائع
يستاهل العراق وشعبه هذا الفوز
والف مبروك للأسود والى الأمام دوما

[شوك الشفايف]

شكرا لك محمود يا جميل ... على مرورك الرائع..