كلبي على وطني

"گلبي على وطني"

ياوطني الموشوم بالقنابل

ياوطن الأشجار والأنهار والجداول

ياوطن الأديان والإيمان والتساهل

ياوطن الأشعار والإصرار والتفاؤل

ياوطن الأيتام والأرامل

ياوطني المقتول والمقاتل!!!

إنزف صبر ياوطن..بيٌه الك مٌية جرح

كلما يهيد الألم بجروحي أذرٌ الملح

أفديك ياوطني لومية مرٌه انذبح

واشرب نخب هيبتك من المسا للصبح

مثلك محب ما إلي ومثلك جرح ما يصح

يارمح بضمايري لا خطه ولا صابني

كـَلبي على وطني

كـَلبي على وطني وي رشفة الفنجان

وبكل تحيه صبح من حايط الجيران

لو ما انت ياحيرتي ماكان كل ماكان

من غير أرض وأهل ما قيمة الانسان

بس ياخسارة الأهل

من حط رحاله الجمل
وياك علو الجبل

ولارخص علج اجنبي تتخضٌع وتنحني
كَلبي على وطني

كَلبي على وطني وي كل سحابة تفوت
وعن كل بطل ما بخل فوك التراب يموت

وعن كل كـَمر لو ظهر.. وبحزن روحي انتحر

والطير فوكَ الشجر
ينشد بأعذب صوت

الماي من ينغلي من لوعته ايغني

آنه انجوي ابطيبتي وكل حي طلع مني
كـَلبي على وطني

أهواك ياوطني لو جنتك ناري
وانزفلك الدم شعر واهديلك اشعاري

كل يوم نكعد سوه واحجيلك اسراري

تفكدني من ابتعد وتزورني ابداري

وابجيلك ابلا دمع واشرحلك الجاري

معذور من سرني

ومعذور من لامني

كـَلبي على وطني

كـَلبي على وطني الكل عمري جان الأهم

أسكَيه ابمي دمعتي ويسكـَيني كاس الندم

انطيته حلم العمر ونطاني جنـٌة وهم

واني مثل هالبشر هم روح دم ولحم


للشاعر عريان السيد خلف

مع تحياتي

[الكناري يونس الجبوري]

جئت اسجل اعجابي باختيارك وكما هو عهدي كان اختيار موفق ورائع
اهنيك على هذه الذائقه الرفيعة ويستاهل الشاعر الكبير عريان السيد خلف ان تنقل روائعه انامل متألقه
شكري وتقديري ومروري المتواضع
وتحيتي لك



ملاحظه بسيطه : وجدت الموضوع مكررته مرتين حذفت احدهما

هله ومية هله من زارنه ونورنه تحياتي لك ياكناري الفرات وشكرا لمرورك ياطيب والله صار زمان ماكو مع كل التحايا والتقدير

[شوك الشفايف]

الله عريان السيد خلف..
ابو خلدون الشاعر الكبير..
شكرا لك فاتن شكرا لذائقتك شكرا ..لعطرك لهيبتك لسحرك ..
وتحية عسكرية لك لانك اجمل من ان توصفي بحروف مني..
مع ودي...للصديق الشاعر عريان السيد خلف..

يسلموووووووووووووو على هذا النقل الرائع

القصيدة رائعة للسيد عريان ..
وددت ان اردة عليها بشيء من الشعر ..
لكني متعب قليلا ..
لهذا لي عودة انشالله

شكرا لمرورك ياشاعرنا المبدع عدي فريد مع كل الاحترام والتقدير لردك الجميل لك كل الحب