فايروس الحب!

عليل اني الكلب ودواي مامعروف
لابيد الطبيب ولابصيدلته
راجعت الاطبة وكل طبيب يكول
ابد هذا المرض مايوم شخصته
صرت مثل المخبل مايعرف شبيه
لاطايل سمه ولا كاع لاممته
رحت لأهل الاعشاب النوب وتعنيت
وشفت حجي جبير معلعل بصحته
تبسملي ويكلي آمر أبني شبيك
كلت كلبي يحجي هيجي سالفته
لادكتورة تنفع لاطبيب يفيد
وهذا أخر أمل يمك ترة اجعلته
ضحك ويكول كلبك كل مرض مابيه
تره كلبك يحب وهاي مشكلته

مع تحياتي أرتاج ...

[امير الاحزان:]

الله الله
ما اروع هذه الكلمات يا رتاج
حملت الاحساس بكف..والمشاعر بالكف الاخرى

اتمنى لك التواصل معنا
انا هنا بأنتظار جديدك

ابيات جميلة شكرا لك ريتاج

[جله نار]

روعه هي الكلمات

جعلتني ابتسم رغم حزني على منتخبنا الوطني

تقبل مروري البسيط

[شوك الشفايف]

ضحك ويكول كلبك كل مرض مابيه
تره كلبك يحب وهاي مشكلته

جميل احساس عالي ..وتشخيص بالصميم..