ابوذيات لعيونكم

[ام علاوي]

ثرم والله المصايب ثارمني
واذب كلبي على غيري ثارمني
ياهو اليجي ياخذ ثارمني
صرت للجاي والرايح ضحية



الكلب واعضاي ماغيرك يملكون
ونخيت من الحجي الشامت يمل كون
اذا شخصك يخلونه يم الكون
اعوف الكون واختارك اليه

صدية الزين مثل الكمر بسماي
وعلى فراكه تهل العين بس مـاي
وأذا مرة نخاني وصاح بس ــماي
أقـدم الــروح لــعيونة هديــــــة


علي جار الوكت تدري بلاجار
وسكنت الوحدي بالبر بلا جار
بلا صاحب يدك بابي بلاجار
وخيال الكوخ صاير جار اليه

.............................
مماراق لي

جميلة جدا شكرا على الانتقاء

سلمت يداك أختي الفاضلة
ام علاوي
أبوذيات ولا أروع من كدا
تحيتي
وعظيم تقديري

[عادل المنصوري]

ثرم والله المصايب ثارمني

واذب كلبي على غيري ثارمني
ياهو اليجي ياخذ ثارمني
صرت للجاي والرايح ضحية

هههههههههههههههههههههه
رائع قافيه رائعة جداً
ضكني وضاج مالي منه فرها
ولا ربعي انتختلي من نفرها
مكينة ثرم بيده منه فرها
وقالب للفلافل صار اليه
هههههههههههه
ام علاوي الغاليه
هذه ابوذيه للضحك تقبليها ايتها الاخت الغاليه

[ام علاوي]

الامير سامر شكرا للمرور الجميل
تحياتي

[ام علاوي]

الاخ الطيب عماد
لاعدمت اشراقتك الجميله
لك ودي

[ام علاوي]

الاخ المبدع عادل المنصوري
اسعدتني مداخلتك كثيرا
شكرا للحضور العطر اخي الطيب
واتمنى ان يدوم التواصل
مودتي

[ام فيصل]

عاشت ايدج عزيزتي
ابوذيات جميلة ماعني واحساس
ماننحرم هذا التذوق وجميل الاختيار

لك من الورد اطيبه