اشتــــاﮔـلي

اشتــــاﮔـلي

اشتاﮔـلي..
المشتاﮒ يطفه ابماي عينه ويشتعل ابجروح اديه
ويضحك ابوجه الضنون ابغير ﮔـلبه ويبتشر والبيه بيه
اشتاﮔـلي
الماي يعثر عالجروف وداع صدفه ويعتني الهرش اليبس
مايعتنيه
اشتاﮔـلي..
اليعثر ابظله ايموت صاحي
واليعيش بلايه وعيه ابغير ظل
الشوﭺ من ينبت بسـﭽـه ايبات وبنادم يزل

اشتاﮔـلي..
اجروحي غلاتي
وعيبي صبري
ودفلتي السكته
وحشتي بلايه هم
وحـﭽـتي الفشله التطشني تراب مايسواش لم
وهمي دنيه انبعت بيه بغيرك انت
وشنهو معناه الجرح من غير دم

اشتاﮔـلي..
اتخضر اضنوني ابـﮕـاع صبخه ويشبـﭳ ارموشه اعله طرواك الجفن
وتشرﮒ اشموسي ابحضن ليلك نهارويحضن الغايب هوى الحاضر حضن
وتطفح البسمة اعله بال المبتلين الماي يضحك من تشك صدره السفن
تعذرت يابخت ليل المسعدين ويامرارة ليشنه بطرف اللسن
الـﮕـاع سهله اجنازة الميت تـﮕـوم ويندفن جنازهه وما تندفن

من اجمل ما كتب
الشاعر الكبير
عريان السيد خلف

[شوك الشفايف]

من اجمل ماكتب العم والصديق
ابو خلدون الكبير لك حبي .....
شكرا لك عريان السيد خلف قامة رائعة وجميلة
عندما تجلس معه ترى حتى في صمته شعرآ جميل..
شكرا لك ايها الممتليء ادبا وذوقآ واناقة ..عدي ..

قصيدة تهز الوجدان وتحرك المشاعر
سلم لنا هذا الذوق في النقل المميز
تحياتي الك

[محمود شاكر الهلالي]

قصيده حلوه جدا

تسلم ابو ليلى لاختيارك

وتقبل احلى تحياتي

[ايات علي]

قصيده جميله جدآ
سلمت يداك ابو ليلي
نقل مميز
وأختيار رائع
تقبل مروري
آيات