اهلا بكم في المحاوره الشعريه بالابوذيات

وحك الي خلق الناس والجن
المصايب بدليل اليوم والجن
لون تشوف حالي تهيم والجن
وتبجي وتنكسر قلبك علية

[asir]

الخیم بالناریا ابو الفضل وجن
وعلی حالي بچتلي الانس وجن
بعدک ماهدت یاخوي وجن
صباح وکل مسه عندي عزیه

[هدار سامي شياع المنصوري]

قسم اقسم ابرب الانس والجان
سلتني الليالي الجفن والجان
ابنار الكفر يوم الخيم والجان
وذبح حسين والحره السبيه

[عادل المنصوري]

وحكَـ نحر الحسين ونار طفه
وصلك ماي بخ الكَلب طفه
الزبد ياخوي ماله ركاد طفه
بس خوتك يصاح الصفت ليه

[الشيخ ابوحيدر]

احبتي تحياتي لكم
ساشارككم عن قريب بعد ان انهي
مراسم الزياره الاربعينيه للامام الحسين ع
لاني مشغول بتنضيم المواكب
فلكم الف تحية حب يالغالين

[عادل المنصوري]

الف الف هله بالشيخ ابو حيدر
صارلك فتره غائب عن الساحه
والله مشتاقيلك جداً والى كتاباتك الرائعة
مشاركتك اتشرفنه ابو حيدر وقبل كم يوم سالت عنك بمنتدى الاعضاء الغائبين انت والاخ الاستاذ عباس الفرطوسي اما ابو محمود شاكر الهلالي فاشوف مشاركاته جداً قليلة الله يوفقكم جميعا ايها الجبال
وانشاء الله تكونون بخير والسلام

[الشيخ ابوحيدر]

شكراً لك اخي على
السؤال وتحياتي ياطيب
واسف على التاخير بس انشاء الله
ملحوقه

[asir]

المثل شخصک یخي گلبي بچانه
ابغیابه چل عقیق احمر بچانه
اشتظن هم نشرب ابیتک بچانه
ونلم احبابنه ونسهر سویه