اهلا بكم في المحاوره الشعريه بالابوذيات

[ام فيصل]

نتمنى ان يتم التواصل الحواري فيما بينكم ايها الشعراء الرائعين
ونامل ان تكون موسوعة رائعة لأجمل الأحاسيس والمشاعر المكنونة

فكرة جميلة عزيزي هدار وتشكر عليها
وسأقوم بتثبتها
نرجوا من الأخوة الشعراء التواصل والمتابعة
وبالتوفيق ان شاء الله للجميع

[عادل المنصوري]

جلدي اويه العظم ظيمي فتاهن
وشت العكَل وي كَلبي فتاهن
يصيحن صوت يالنشمي فتاهن
ولا رفله جفن لورد عليه

[هدار سامي شياع المنصوري]

وحكَ ابن الذي صاحو فتاها
روحي السحن ياعادل فتاها
يافاتي بسكَم وبهم فتاها
اعله روحي والنخيته كَطع بيه

[asir]

النخیته من گطع مارد؟ میا لک؟!
دعوفه!الما عدل صاحب میالک
عادل موفرد ینعد میالک
وعلیه احسب یبو ذات الوفیه

[عادل المنصوري]

موش احنه الحجينه من تراها
رجال وفعل تلكَه من تراها
ما اريد اليجيني من ترهه
ولعد الضيج يتعذر عليه

[الشاعر محمد الحميداوي]

سنون عداي عظني ولاكن
انه الما اتعب من احبابي ولاكن
يديرون الوجه عني ولاكن
ادريهم دلال ومو جفيه

بقلمي الشاعر محمد الحميداوي

[هدار سامي شياع المنصوري]

عدوي العظني بسنونه ولكني
جلد ماصحت يمه ولكني
غدرني من لكَه ماكو ولكني
اغربل بالالي ولمو اليه

[عادل المنصوري]

الخير ما تشلحفله دلاله
باتله الليل نيرانه دلاله
الجفاني بشدتي تكَلي دلاله
يمنعه وما يتجي الناض بيه