موقف مريت بيه ..

[عتابي]

شكالت بعد ؟؟ بلعتها وسكتت

مرات الواحد منه من اتطكه سالفة وايدوخ بيها او يجي واحد يدخل على الخط ايضل مدري شيكول .. المهم .. وانه افكر بمشكلة براسي اجنت واكف براس الفرع مالنه .. واتعدت عليه جيرانه .. وهاي يمكن 10 سنوات جيرانه وحياتها ما مسلمه عليه .. وذاك اليوم مدري شجاها وسلمت ..
مدري شكتلها .. ضليت اخيط واخربط .. هي هم كالت ( شالقضية ) ؟

[عتابي]

عندي زلمه صاحبي .. بس هذا مغرور للاسف وكلش شايف روحه ..
عنده ابنه راد يتزوج .. كام طبع دعوات وخله صورته فوك وصورة ابنه جوه ..
الوضع ما عجبني .. كتله انت ما غلبك صدام !
كال شلون ..
كتله دز عزت الدوري لاجتماع القمة بالسعودية فاقترحوا على عزت ان يفتحون الحصار بس بشرطين ..
الشرط الاول ان صدام حسين ما يطلع بالتلفزيون والشرط الثاني ان يخلون قران بالتلفزيون خمس ساعات يوميا ..
فاتصل عزت بصدام وكله سيدي هيج الشغلة .. كله ميخالف كلهم موافقين ..
كال سيدي شلون انت ما تطلع بالتلفزيون ..
جاوبه صدام .. معليك انه اقره قران .. !

فكتله انت سالفتك مثل صدام هسه الولد ايريد يعرس انته مخلي صورتك شنو ؟