تجربة حب
رسبت العام بأول تجربت حب
وطلعت اكمال بيه الدور الاول
اعيدن قررت وبدور ثاني
كَلت هالمره بلكي الاسئله اسهل
وكَلت هالمره بالحب لازم انجح
واذا عكست اسوي اوراق وانقل
دخلت الامتحان الثاني مرعوب
اخاف من الشماته اشلون افشل
اجتني الاسئله وصح بيهه صعبات
تعريف وشرح والباقي علل
ساعه من الوكت مر وانه محتار
لايمي صديق وألمن اسأل
اخيرن قررت اترك سؤالين
وثلث اسئله سهلات تنحل
عرفت السهر والغيره والآه
كَلت يزعل عليه الدنيه تزعل
وعللت البعد والفركَه والشوكَ
كَلت بعد يكتل فركَه انذل
ومليت الكَلب من الفراغات
وصرت ابكل فراغ التفت والحل
تحياتي وسلامي لكي نور الهدى فقبليها