المليون دارمي .. تنفرد فيها منتديات الفرات

[هدار سامي شياع المنصوري]

الدور دغش وياي خل ما اسميه
ولبيه وفه وخلاص بالعين اخليه

[هدار سامي شياع المنصوري]

اي صح صدكَ عطاب بس مو بالهدوم
من كَلبي تطلع نار وتشمه الخشوم

[هدار سامي شياع المنصوري]

ارد انشد العشاكَ الهم دره ابهاي
اشمعنه كَلبي ايفور من اشرب الماي

[هدار سامي شياع المنصوري]

لا تسأل العشاكَ الهم دره ابهاي
كَلب اليوجه الشوكَ ماينطفي ابماي

[هدار سامي شياع المنصوري]

مافاده كَلبي الماي من شبت النار
بس ولفي اليطفيه لو عاود الدار

[هدار سامي شياع المنصوري]

شنهي الدوه الموصوف للولفه جافي
اصبر وتاني ايعود لومنه كافي

[هدار سامي شياع المنصوري]

الكَلب كَال ارجاه كَتله ارجه ربك
الي جفاك اليوم باجر يحبك

[هدار سامي شياع المنصوري]

كَلي شيغمض العين ليله انه ورتاح
والولف عند الغير طاير بليه جناح