رايح وين .. الى ــــــــ
رايح وين .. مو هذا درب ممشاك
تعبد من كثر ما شفنة نقلاتك
رايح وين .. مو حت خيالك فات
متعود تمر من يمنة خطواتك
وحتة لسانة .. ماخذ يرد اعليك
واخذ رد لكلامك دون كلماتك
ساعاتك كَبل .. اتمر علينة هواي
وبس بالبال هسة تكَضي ساعاتك
ما تعرف تحن ؟ .. شبيك ؟ كَلبك وين ؟
على باب انتظارك منذهل ذاتك
تدري شكَد تحن اكَلوبنة لملكَاك ؟
ابكَد ما صعب ننسة احنة لحضاتك
نحلم بيك تعرض حتة بالاحلام
ونضحك من قهر شنسوي باهاتك
ونشوف احنة الحقيقة ويرفضن العيون
مو صح .. مو صدكَ مو هاي حالاتك
كَبل بس لينة تضحك .. هسة صارت هيج
علينة بصوت صارت ذني ضحكاتك
شعلنة اسنينة نضوي وعمر موهوب
رغم چانت شمس واطفينة شمعاتك
صدكَنة السراب وندري بي اوهام
لأن مو راي بس نسمع قراراتك
واختاروا كَلت .. بس واحد من اثنين
نترك أو نعوف بضل خياراتك
..................
على كلمن يغيب انسدت البيبان
عجب بابك لحد الان ما منسد ؟
من تبعد توشل روحي من الانفاس
ومن تكَرب ترد الروح تتنهد
أيام الحزن عدن وضل الشوكَ
وبجيتك ترد ايامي تتجدد
لازم بيك افكر حتة يمشي اليوم
وايام الزعل عــ الماكو تتردد
اريدك ..
اي نعم ..
بس ما اريدك لا ..
لان ندك كرامة وصعبة احكم نرد
اخسر اي نعم بس ما اقامر بيك
لان صعبة الكرامة اعليها اتمرد
معركتي انتهت واني اطلعت مهزوم
حكيم .. وصح خسر .. بس ما خسر ازيد
حكيم .. وصح خسر .. بس ما خسر ازيد
محمد العبيدي
رد مع اقتباس
المشاركة الأصلية كتبت بواسطة ام فيصل
