يترب حسين جم عله دواها

[عادل المنصوري]

اليمين حسين والاربع شملها
وترجت يجتمع بيهم شملها
تشوف الناس مجتعه شملها
وبشر ينعى السبط بالغاضرية

طفوف حسين جم عبرة تربها
ابدموم اهل الوفه سالت تربها
العقيله لروس اهاليه تربها
ولعد كافل ضعن بت الزجيه

جم كيض العبر بيه وجله
الحمل ما هدل اجتافي وجله
انه الما اشكي بهمومي وجله
اله وللعبد يشكي الرزيه

يترب حسين جم عله دواها
وجم دعوه الحدر كبته دواها
الكلوب الجاسية محبنه دواها
بشرط من جعفر امصدقه الهويه

النبوه حسين ابنها من صلبها
وثبت بي دين جده من صلبها
راس السبط واهله من صلبها
يزيد انجفت دولة آل اميه

ابيع النفس لمحبتك وشاري
بسم حسين نص كلبي وشاري
لون جردوا خضر يابس وشاري
ثابت لو يجمروها عليه

المنيه ندهت براسي وصاحت
وبلعت مايها الغبره وصاحت
ليله اتوسلت ربها وصاحت
علي سالم ترده اليوم اليه

الموالي بهم ابو اليمه يجاسم
ويشوفك عالترب نايم يجاسم
دمعك وي ابو اليمه يجاسم
الوفه لآل النبي بالغاضريه

[جرح الحبيب]

ابيع النفس لمحبتك وشاري
بسم حسين نص كلبي وشاري
لون جردوا خضر يابس وشاري
ثابت لو يجمروها عليه

السلام على الحسين(عليه السلام)
جعلنا من الطالبين بثأر الامام عليه السلام
جزاك الله خيرالجزاء

[عادل المنصوري]

جعلنا واياك اختي العزيزه من المطالبين بثأر الامام الحسين عليه السلام مع قائمهم الامام الحجة بن الحسن عليهما السلام

[الشيخ ابوحيدر]

احسنت ودام فيض
قلمك بماخط للأل في
ميزان حسناتك انشاء الله
تحياتي

[شاكر الهلالي]

احسنت اخي العزيز عادل

وشكرا لك لما خط قلمك

وصدح بذكر الحسين عليه السلام

لك تحيتي يا طيب 0

[السومري71]

يترب حسين جم عله دواها
وجم دعوه الحدر كبته دواها
الكلوب الجاسية محبنه دواها
بشرط من جعفر امصدقه الهويه


احسنت وصدق لسانك
وعاشت الأيادي
باقة من الأبوذيات التي تفيض عشقا وولاء لآل لبيت عليهم السلام
وعظم الله لك الأجر

[ام فيصل]

طفوف حسين جم عبرة تربها
ابدموم اهل الوفه سالت تربها
العقيله لروس اهاليه تربها
ولعد كافل ضعن بت الزجيه


بوركت يمينك عزيزي
على هذه الباقة الرائعة
ودام لنا هذا المداد والعطاء
أجرك على ابا عبد الله الحسين عليه السلام

لك اطيب تحياتي

[هدار سامي شياع المنصوري]

تنام الناس مرتاحه وناوين
وين انته اصبحت عني وناوين
اشباب البيت هسه اكَصن وناوين
يوم اليسرو زينب سبيه