رجعتني اكتب واني كنت ماخذقرار
مااشترك غير بردود بسيطه فقط
بس لعيونك هذا الارتجال تقبله مني
يالغالي
يشاكـــر بالشعر اوزان وبحور
تتعبه المـــاعرف عنوان ربانه
ويغرك بالكـَياش يصير مسطور
يتيه ماعـــرف بالساس عنوانه
والقــــافيه بحدها تكَول ساطور
أذا ماتنعدل يتهـــــــــدم اركانه
وتشــــوف النشاز وريحته تفور
ولااقوه عــــطر يمسح الانتانه
وكوتلـكَه شخص بالشعر مأسور
يتلــــــــــذذ بطعمه تكَول رمانه
وكو منهم علوا عبالـــــك نسور
شما تثكَل حروفه تشيله جنحانه
وكو منهم ضعيف تكَول عصفور
ولو يسمر رشكَهن صار ذبانه
وكو شاعر اصيل بحجيه دستور
ولـو يسمع كلام يسرفن ردانه
وكـــــومنهم يلف بالقافيه يــدور
ويكـــتبها بحـــراره وهيه بردانه
بقلمي اخوك الشخ ابوحيدر الشويلي
الشعر الشعبي وكيفية صياغته قصيده ؟
رد مع اقتباس
رد: الشعر الشعبي وكيفية صياغته قصيده ؟
المشاركة الأصلية كتبت بواسطة عيون المهى
