ليش ما جيت

احببت ان انقل لكم هذه القصيده لأحد شعراء الشطره المبدعين
ليش ما جيت
اخذني ابعيد عنك حيل الفراك
وانه يمك شبر واحسبهه فركه
وهواهم يخنك بكل كتر لو دار
وهواك ابداخلي وكلساع اشهكه
بجيت اعليك حد ماوشلت العين
عليك العين راح تموت حركه
جنت شجره بودادك والورك شوك
كضني ايام هجرك وركه وركه
اوياك البيت يضحك من خلك جان
تعال اوشوف هسه شلون خلكه
+++++
عفت البيت مضلم من رحت ليش
ارجع مو تشور حوبة البيت
شعجب شو طوليت وطال الفراك
وانه عكبك ملح بلعين خليت
جنت انته الي بكل وكت تشتاك
شلون انطاك كلبك غاد ضليت
امس بلطيف اجيتك مادري شبيك
تغير لون عينك لو انته انسيت
اللك وديت عيني اوي الهوى الهاب
تعال وجيب عيني اوياك لوجيت




حمودالبدري

[الكناري يونس الجبوري]

صح لسان الشاعر حمود البدري وعاشت ايدك اخي الكريم على النقل المتميز
الله يرد كل غايب لاهله سالم
تقبل مروري متمنيا لك دوام التألق
وتحيتي لك

[أنثى شرقية]

اتمنه روحي تصير ريشه بوسط ريح

ومن توصل احذه الباب يم رجلك تطيح

****
قصيدة رائعه المعنى تسلم اناملك لجميل اختيارك
ننتظر جديدك دوما
تحياتي

[ام علاوي]

قصيده جميله جدا
شكرا لهذا التذوق في الاختيار
صح لسان شاعرها وعاشت ايد ناقلها
بأنتظار جديدك
لك مني كل الود اخي

[شاكر الهلالي]

اختيار جميل والقصيده رائعه جدا

شكرا لك وتقبل تحياتي 0

[الشيخ ابوحيدر]

تحياتي لك اختيار موفق
دام ابداعك يالغالي