دارميات السمراء والبيضاء

[شاكر الهلالي]

سمره ونحيفة عود والرگبه مرمر

ومنين اجيب امشاط للشعره كركر

0000

سمره او كحيلة عين لليصرخ احاه

نشطه وتداوي الروح للضايع دواه

0000

ابيض على اشكر كون گدامي اشوفه

شد بيه اشد الروح وشلون اعوفه

0000

سبحانه رب الكون امقسم الاشكال

واحد يذبله اوراد والثاني 000000

كملوه براحتكم شلون يعجبكم اتصرفوا

0000

قسمه واجت واشلون ربك نطاهه

الما يمه بيضه تنام روحه امداهه

0000

الما له حظ بالزين شله بحياته

سم اسود وملفوف ويسد لهاته


بقلمــــــــــــــــــــــــــــي 0

[شوك الشفايف]

كنت رائعا ايها الهلالي الجميل..درميات جميلة

بيضه وسيعه عين وبالوجن شامه
والله الكمر لو غاب انت بمكانه
تقبلوا مروري

[ام فيصل]

تسلم يالهلالي
ويسلم لنا احساسك
دارميات رائعة كروعة حضورك

اطيب تحياتي لك ولهذا العطاء المتواصل

دمت بكل الخير عزيزي

[الشيخ ابوحيدر]

احسنت اخي وكل عام
وانت بالف خير
وتمام صحه وعافيه
عيد مبارك عليك
تحياتي

[السومري71]

احسنت وعشت الأيادي
اخي العزيز الهلالي
كل عام وانت بخير
تحياتي وتقديري

[السومري71]

احسنت وعشت الأيادي
اخي العزيز الهلالي
كل عام وانت بخير
تحياتي وتقديري

[سهام الهلالي]

دارميات متناقضه بين الاضداد

مشكور يبو محمود ويسلم قلمك واحساسك

كل عام وانت بخير