كلي ليش تباوع انته
كتله معجب انه بيك
كلي جذاب انه اعرفك
كتله جيت انه اشتريك
كلي غالي هواي كلش
كتله ميهمني انه اجيك
كلي معقوله تحبني
كتله احبك روحي ليك
كلي ما ارديك اتركني
كتله بلوه انه ابتليك
كلي شنهو الحب غصب
كتله اي غصبا عليك
كلي صحراء انه كلبي
كتله اجودر بدوي بيك
كلي مثل الماي طبعي
كتله بير انه احتويك
كلي ما اعيشن هوايه
كتله روحي انه افتديك
كلي سم انه لحبيبي
كتله اكيف وارتويك
كلي اني هواي ازعل
كتله احب اني ارضيك
كلي ما احب التنازل
كتله ما اطخ راسي ليك
كلي اريدن حبي شاعر
كتله شاعر ما يجيك
حسنك يدوخ ويسطر
يثول الوادم عليك
كلي ناجح كوم يله
كتله راسب بين اديك
كلي ناجح خذت كلبي
كتله هاك بعمري شيك


لكم اجمل تحياتي
:
منقول