اجمل هديه اقدمها الى جميع الاصدقائي في الفرات والمدير العام و امي ام فيصل

انه بيت الموده ¤¤¤وانته ركني
وجدم غيرك خطاني¤وانته ركني
اذاعافاني كلبك ¤¤¤وانته ركني
عدله روحي ادفنه بذني اديه
¤¤¤¤¤¤¤¤¤¤¤¤
صرت صياد لعيونك¤¤¤وشباج
وكلبي بيه فرد نبذه ¤¤¤وشباج
مثل كومة حطب صرتي¤وشباج
واشبج واحرك العرفج بيه
¤¤¤¤¤¤¤¤¤¤¤¤
الوكت مايوم منه¤¤¤حيراني
السطرني بس جمالك¤حيراني
اموت ومر شخصك ¤¤¤حيراني
بنضر عينك ترد الروح اليه
¤¤¤¤¤¤¤¤¤¤¤¤
مره افكد احبابي¤¤مره اعدهم
وتمطرطيب روحي¤مره اعدهم
مره الكلب عندي¤¤مره اعدهم
روحين ابكلب صرنه سويه
¤¤¤¤¤¤¤¤¤¤¤
الكلب مايحب غيرك¤¤حبلك
وماي العين اذا عطشان¤حب لك
ادي جتفها الي والكلب¤حبلك
افك ايدي الكلب شيفكه اليه
¤¤¤¤¤¤¤¤¤¤¤¤
زماني كل عدل مابيك¤ونصاف
وانه الحكي يصير ارباع¤ونصاف
دخل ننطبك انه وياك¤ونصاف
روح بروح نطبكهن سويه
¤¤¤¤¤¤¤¤¤¤¤¤¤
اريد اسأل كليبي شأخذ¤وشراد
وليش بغفله عني ابتعد¤وشراد
لونك تدري كلبي شطلب¤وشراد
يريد ايصير الك وتصير اليه
¤¤¤¤¤¤¤¤¤¤
السبب موبلي تدرس¤بل بستها
وعطر جوه اشمه ¤¤بل بستها
تكلي مابستها ¤¤¤بل بستها
وبوستها لهسه تبوس بيه
¤¤¤¤¤¤¤¤¤¤¤¤¤
يبو طول الحلو ويلعسل¤شفتك
وغرامك شبكاني وبعد¤شفتك
طحت واتسودنت من يوم ¤شفتك
وكمت ازحف زحف بثنين اديه
¤¤¤¤¤¤¤¤¤¤¤¤¤
الدمع ضل يفرك بخدي¤ودلك
ومشيت وياي ماتدري¤ودي ألك
ياهو الجابك لكلبي¤ودلك
تهت بس روحي التدور عليه
¤¤¤¤¤¤¤¤¤¤¤¤
جمالك سرق كلبي¤باكه مني
وصرت ورد بس أخذ¤باكه مني
صرت الك ماضل ¤¤¤باكي مني
الك كلي ولاضل مني اليه
¤¤¤¤¤¤¤¤¤¤¤¤
تهت مابين سكتنه¤وسكته
الهجرني بضيم رجعته¤وسكته
العمر خلصته بس نظره¤وسكته
سكت وردت عيونك عليه
¤¤¤¤¤¤¤¤¤¤¤¤¤¤
وحك الهادي ابو الزهره¤والاملاك
الكلب حباك ماعافك¤والاملاك
غيرك ماملك كلبي ¤والاملاك
لأني اني الك وانته اليه

واقدم اجمل هديه اقدمها الى جميع الاصدقائي في الفرات والمدير العام و امي ام فيصل

مع تحيات المشاغب


(( منقـــول ))
نرجوا كتابة كلمة منقول للأمانة الادبية ومنعا للحذف لاحقا