طريقتين لكي تصادق البنت القافله

هلو شباب وبنــــــــــــــــــات شلونكم

هاي طريقتين جديده وتحشيشيه تفيد الولد

اولاً :يجب ان تكون ملحلح يعني شنو يعني محلحل يعني
(لوووووووكي)

عادي لازم هاي
يعني اول متحجي وياها
هاي كيفك
هسه تكول هله هذا منين جايني من يا مسلسل مدبلج
المهم كللها اني فلان هسه تكلك اتفضل

كللها انتي مو ساره

هسه تكلك لا كللها لعد نور هسه تكلك لا كللها لعد داليا هسه اتكلك
هم لا شتريد فضها كللها لا بس امي تسلم عليج اتكول عدكم كركم

هسه هيه تضحك

اذا ضحكت مرغل روحك بلكاع يعني شغلتك صارت وأذا مضحكت يعني ماكو فايده
روح على خطه رقم ثنين

ثانياً: يجب ان تكون شاكخ يعني كاخش يعني بلعاميه كاشخ

ومبتسم لازم مبتسم لان البنات ايحبن الشاب المرح

المهم
اتروح عليها اتكللها هلو (ايموتون على هاي الكلمه )
اتكوللها ممكن كلمه اذ البنت قافله كلش هسه اتكلك لا طبعا لازم اتكول لا
كللها اني يتيم امي شهيده وأبويه فراش بلمدرسه
هسه اتكلك جذاب

جذاب وعشره جذاب عشره
جذاب وعشره بلأنكليزي
جذاب تين جذاب تين لو بلايس
المهم اذا كالت جذاب كللها لا اني مو جذاب اني ذبتني دنياي عليج
وما اعرف ليش متقبلين بيه والله اني فقير والله فقير
هسه تلكه الكلية كلها اتصفكلك
والعميد ايسلمك جائزه
روح حباب من اتصارح وحده بهاي الطريقتين عود خابرني