عذرا عذرا مامش شكرا

يالتكتل بالوادم سرا

الوادم خلصهة العيبي
بخنجر ارعن

يالتحچي بذوق
الاسمحلي وصبرا صبرا
چلماتك خايب ماعبرن

دم احميد بيه انطالب

واحليمة وسَعّودة ايعثرن

اطيناك السر المخفي وگلنة اترهدن

وانته اتسولف وية فلوسك
بلچي يكثرن
وادردم چايمته يكبرن

گبلك غَنّوا طور اعليوي خلي يولن

چاهلبت من شفت الواوي ردنة مسرفن
رديت لطور الحياوي وگلت اتمعن

خليك بچلمة ما ادري وچلمة يعمن
وخليك بطورك الامريكي بقاط مسلفن

همسة :
للظالم :

ما احچي وياك آنة مشفر
بخت اعراقي هوة الشور

للعراق :

بوسة لخد كل شعبي الصابر
ومن دم كل طاهر اتعذر

حسن الشيخ ناصر