هـــــــــــــــلا بالشايل بخدكـ ورد يــــــاس......
الحزن ظل واكف ابابكـ ورد يــــــاس ....
يسألوني you love him ??? وارد yes...
حبيبي واغلى من روحي علية........

اصيله الروح تنشد من خيالي
وفز مرات اخافن من خيالي
اشكثر حاولت احذفك من خيالي
خيالي انحذف وانت لسه بيه

حلفت دموعي بعدة.. من شفاهة
جروح الكلب يائس.. من شفاهة
دواهن بوسة وحدة.. من شفاهة
دورت ..مامش البوسة بصيدليه

شعجب بطلت يالغالي تراسل
ودليلي بسبب هالفركة ترى سل
عليك الصبح والمغرب تره اسئل
واكول شغير الغالي عليه

اجمل امنياتي الك بالعيد
ولا تبخل علي بالوصل.. بل عيد
اذا متوهم او غلطان بالعد
اسف واعتذر حقك عليه
عبر دمعي بغيابك للسفينة
وابد ما راح حبكم لسه فينه
نصبته شراع قلبي للسفينة
لان حبكم بحر مجبل علية

اذا انت تريد ماضي حاضر اني
وترة بماضيك كلة حاضر اني
و اذا تؤمرني اخدمك حاضر اني
بس بشرط مو تكبر علية

وشكـــــــــــــــــــــــرا ً