قصيدة كتبت في حق اشجع فتوات العرب علي(ع)
هذه قصيدة كتبت في حق اشجع فتوات العرب وحامل لواء الاسلام ولواء سيدنا محمد (ص)وهو الامام علي بن ابي طالب
منوتشرف بلاخر علي لورمضان
توقيت الشهادة بهل الشهر عبرة
حيدر زاد قدرة بموتته برمضان
لورمضان هو الزاد من قدرة
نسمع بالسنة مره بشهر رمضان
وحيدر كل فريضة المئذنة تذكرة
وترة رمضان بي ليلة قدر لا غير
وعلي بيه الحسن وحسين والزهرة
مامر يوم حيدر ماذكر مسكين
وشهر رمضان يخلص يالة نفطرة
وجائز ان تسافر في شهر رمضان
وايام السفر عوضهن بأخرة
وعبر لو مريض وصومهن بعدين
بس حيدر جذب ما تكدر تعبرة
وماصدك قصيرالقامة يامولاي
ما اكدر ابد واستوعب الحالة
جذب حيدر كصير وهاكم البرهان
من فوك الفرس يشمر الخيالة
جائز حيدره بطول الرسول يكون
لان بات بمكانة بيوم ترحالة
وبفراش الجبل ميصير تل يبات
لازم جبل مثله ونفس تفصالة
مقصودة سوالف هاي جذابين
الكصر لولة وحشة لولة اتدنالة
بحزامة الفقار يكلي جان كصير
معقولة الفقار يخط ورة ذيالة
وبما أنك علي ومخلوق من النور
اذن طولك اشعاع الضوة بهل حالة
ويشهد لك نعم خيبر يبو الحسنين
ضخم جان وجبير وبالوصف هالة
ولزم عروة الباب شلون فسر هاي
لاتفسر شلون نشلعت اقفالة
علي طولك شمس وعيونهم حفاي
شافك من بعيد كصير حسبالة
احفر قبر مرحب وابن ود وشوف
تعرف حيدر طويل شلون بفعالة
عمود سيفه ينزل جان فوكا الروس
مايضرب الكصة الهامة منوالة
باوع على الضريح وكول جان كصير
اذا كل هل الضريح وكوة كفالة
اقنعني بقمر هاشم ليش جان طويل
علي يخلف ولد يطلع شبه خاله
علي طولة السمة واضعاف طول الكون
ونجوم السمة مجلبات بذيالة
ونجوم السمة مجلبات بذيالة
للشاعر يوسف حسن
رد مع اقتباس