هذيـــــــــــــــــــــــــان تالي الليل..مع الجــــــواب...زهير العقابي

مشگوگ ثوب العلّي
وهمومي فزت طفل
من يلچم ممتون

وجروحي تهوى السهر
يلچمها ملح الغدر
ومفتشات عيون

وسنيني خلصت هظم
معذبها داء الوفه
وي ربع اليغدرون

ويضكني عوز الزمن
ونلف جگارة حزن
وتملني ليدخنون

وشتهي الفرحه بخجل
خافن زماني يحس
وينبه اليضحكون

ومرات ابوس الدمع
من يشبگ خدودي
واتشكره و ممنون

وصدّر قراره الوكت
ممنوع گال الفرح
ويا فشلة القانون

مايدري طبعي حزن
واعشق موسيقى التّون
وموال اليونّون

ظنيت جيتچ دوه
وتاليها گلبي انچوه
والي يحب مجنون

سألتني احد الاخوات
سبب هذ الحزن وطلبت مني ان اعود لكتابة قصائد الحب والغزل
اليك اختي ام فيصل
تكملة القصيده

انا موال ونّه يرگص الاهات
رياض foraten.net/?foraten.net/?foraten.net/?foraten.net/? يعت بيه ويغني

ونه طور الحزن من غنه تنحال
ونه ها خويه بسته وهم كتلني

ونه مجلّب زماني بغنوة التعبان
على اجّلبنك ياليل وما تجّلبني

وعلي يرهم داخل حسن من گال
لو رايد عشرتي وياك وك خّلني

ونه اليرگص هچع ومكسر الجنحان
ولا تحسب طرب رگصي من اغني

اشد جرحي من گولن يمه يا يمه
وبدل طگ الاصابع فلشت متني

عشت مره بحياتي وهم المحبين
وانه الحصلته شنهي اولفي ذلني

عيشني بوهم خلاني احب فيروز
واگول الدنيه حلوه وصرت امّني

وتمنيت وتمنيت ونسيت الاه
وبعد ما امنتلّه ابظهري دچني

شفت مشيه ويه غيري الايد بالايد
وچبح ذيچ الچفوف اللاعبتني

شفت اسمه واسمها ينزلن بموضوع
وتصد عني ولاچن الها اعني

وچ ياصلفة عين يارس الخبيثات
هند ادري بلؤمها ومرعدتني

يا جلد الحيايه ويا الف لون
انا بلون البنفسج قشمرتني

وبعد تردون احن وارجع الفيروز
ردوني المواويلي التحبني

انا العذبني اسعى الرحمة الناس
لكن للاسف ماكو الرحمني

بقلمي
زهير العقابي
نخلة العراق
26-8-2010
الساعه العاشره صباحا