مشگوگ ثوب العلّي
وهمومي فزت طفل
من يلچم ممتون

وجروحي تهوى السهر
يلچمها ملح الغدر
ومفتشات عيون

وسنيني خلصت هظم
معذبها داء الوفه
وي ربع اليغدرون

ويضكني عوز الزمن
ونلف جگارة حزن
وتملني ليدخنون

وشتهي الفرحه بخجل
خافن زماني يحس
وينبه اليضحكون

ومرات ابوس الدمع
من يشبگ خدودي
واتشكره و ممنون

وصدّر قراره الوكت
ممنوع گال الفرح
ويا فشلة القانون

مايدري طبعي حزن
واعشق موسيقى التّون
وموال اليونّون

ظنيت جيتچ دوه
وتاليها گلبي انچوه
والي يحب مجنون