قصيده بمناسبه رمضان المبارك
صوم واصلي انت وزيد احسانك
العشره الاولى منه رحمه من الله
حافظ عل التراويح واقرا قرانك
ومحي اذنوبك انت بكثره التسبيح
بالعشره الوسط من الله غفرانك
واتهجد الاخيره ورتل القران
ينجيك الاله بعتق نيرانك
ولا تنسه ابد جيرانك الفقره
اكسي وانطي فطره الذوله جيرانك
واعلم يااخي ما تصعد الاعمال
اذا مزاعل اخو واحد من اخوانك
وغض من البصر اياك من اللسان
بس ربك اذكره واحفظ اللسانك
صونه من الكلام الشين ياصائم
ومثل ما انت صنته هوه هم صانك
واذا صار العكس تسمع الما يرضيك
هنته انت البديت وهو هم هانك
ولا تسمع نميمه ابمجلس اتاذيك
امام الباري اقسم تشهد اذانك
وگلبك يااخي ارفع الغيض البيه
وسامح لا تخاصم هذا هم شانك
وتقرب الربك لو بشق تمره
يحسبه بالف العالي رحمانك
ولا تنسه اليتيم ودمعته امسحه
بيدك فرحه انت ايزيد قربانك
وحافظ عل السنن واستعمل المسواك
ابا القاسم ينصحك ينفع اسنانك
ولا تنسه ابد السته من شوال
يعني الدهر صمته وثكل ميزانك
من صامه احتسابا لله وايمان
بالجنه يرحب بيك رضوانك
الدكتور
سلام الدراجي
رد مع اقتباس