ريحة امي................زهير العقابي
اشلونه شكلج
يم ثلث دكات يمه..
يالغفه ويروح رسمج....
امي كعبه.
وياهو مثلي..
يُمّه كل عام الخليقه
اتدور يمج..
يم حِسِنْ والشيله ليلو
وبين حسنج..
وبين ليلو..
ايفور عطرج....
يا مسج يا شيلة امي
ويا حواري بشبه
حسنج....
لملمت دمعاتي يمه
وجيت ازور اليوم
كبرج....
اه يمه..
ابنج الجاره الزمان
اشتهى الوصله
وكصد كبتج....
بست كل ذرة تراب
وعاتبت شمس الله
جي لنها
تحركج....
اه يمه
اعتاب وي دود المكان
القاسي طبعه
الاكل جلدج....
اعتاب وي جولة الوادي
السكت حسها
وماتونسج....
يم الف مليون مرحب
جاع عزرائيل
وتعشاش اكلج....
يا عزيزه
وياكريمه
يمه انا اشتاكيت
وبها لحظه اشمج....
ارد اشم عطر البنفسج
وارد اعطر
عودي الماغفه
ابمسجج....
امي ست جنات عدها
وتبقى سورة هل اتى
وياسين ذخرج....
يمه خط الشيب راسي
وباقي بيه
وللابد .
طعم الحليب
السره.
بنهدج.....
يمه يا الله وكبر
سولفتها.
و اذنت وكت الصلاة
وصحت احبج....
يمه ما حجيتي انتي
بيت الله اعتنى
او حج بكعبتج....
احوه يمه
دموعي تجوي
انكسر ضلعي
وين يم هاشم
كعدتج....
ارد ابوس
تراب كبرج
ورد اشم
كبر اليضمج....
عتب بيه
ايكسر ابيوت المكابر
وبيه صرخه
تنوح بسمج....
يا الف اية الكرسي
اوين الكه
اليوم دعوه
اتساوي حفظج....
يا ثلث مرات
قلهو.
وياحرز ياسين
والقران
كلبج....
على بختج
ارد اشوفج
ويا قساوه
الغفت يمج....
يمه
بس لوليلي فدوه
ارد انام ابين
كترج....
دلول...
الخفت جرحي
دلول..
عدوك ما رحم
ويا ريته
مكتول....
يمه
مزهر وياصغر سنه
يمه الويلات والغم
دولبنه..
يمه اليغثك
ريته مشلول....
دلول الولد
يمه دلول....
وكبل ما اغفى
ارد اوصي
ردت حيدر..
ردته بس هو
اليحرسج....
حيدر التمسه
يحرسج....
حيدر التمسه
يحرسج....
امي
حبيبتي
الله وحده يعلم
كم انا مشتاق
وكم محتاجكِ الان
بقلمي
زهير العقابي
رد مع اقتباس