انت اول حبيب
اللهم صلي على محمد وأل محمد
السلام عليكم ورحمة الله وبركاته
انت اول حبيب
*****
طبع معـروف عـند الناس
اليحب بسم اليحبــه ايردد الســــانه
هويتك والـﮔـلب ولهــان
ونبض بسمك يدﮒ يحسين شريانه
ولون اســمك يـمر عـلـيه
مثل الطير يصفـﮒ صفـﮒ جـنحـانه
انت اول حبيب الشلته وسـط الروح
وغـدت من الزغـر لليوم ولـهــانه
انت اول حبيب العاش وي روحـي
وتـرك بـﮔـليبي نيـشـانه
انت اول حبيب البسمك اتغـنيت
وكتبت الشعـر كل الـشـعـر بلـوانه
انت اول حبيب وبالمثل ﮔـالوه
العـشـﮒ لول حبيب ايصير ريعـانه
ﮔـمت اتغـنه بيك واطرب بكل يوم
لـﭼـن هذا اليحب شانه
اشوفك ﮔـمره تضوي الليل
وتضل امـﮔـابلك عيني تـﮔـضي الليل سهرانـه
هويتك وآنه عـندي اسباب
واسباب العـشـﮒ يحسين تبيـانه
ﭼـنت اسمع نشيد وآنه طفل اﮔـماط
من امـي تـﮔـول حسين مولانه
تـلوليلي وبسمك اتردد
والكاروك ترﮔـص بيه اركـانه
تحطني على المتن وتروح
واسمع بالمواكب ذيـﭻ
تصيح الناس حـب حسين بدمـانه
من ذاك الوكت وياي
حبك ثبت بنيانه
همت بيك وبسمك انجنيت
يمن الكون بيك انجن
بناسه الكون وبجـانه
اعـرفت الله ورسوله ودينه من عـندك
وشفت بالعـين قـرآنه
ردت اكتب قصيدة وبيك اتغـنه
شفـت كل القوافي اﮔـبالي خجلانـه
رحت لهل الشعـر يحسين
لـﮔـيت الشعـر واهل الشعـر حيرانه
انت ياهو وشرد اوصفك
وياقوافي اتلوﮒ الك
يمن بيك الشعـر مفتوحه بيبانه
انت ياهو وشرد اوصفك
وانت ورد الكون منك ماخذ الوانـه
انت ياهو وشرد اوصفك
انت فلسفة الحياة وبيك ريانـه
انت فـوﮒ العـرش اسمك يشع بالنور عـنوانه
انت ياهو وشرد اوصفك
انت دين الله ورسوله بدمه نحرك
بنيت وشيدت يحسين حيطانه
انت ياهو وشرد اوصفك
انت جبرائيل طـوﮒ بالكساء عليك ذرعـانه
انت ياهو وشرد اوصفك
انت ابن زهره الزﭼـيه وحيدر الكرار
والكرار تشـهد كلها بحســـانه
انت ياهو وشرد اوصقك
انت من طه النبي المختار ريحانه
انت ياهو وشرد اوصفك
انت مركبة النجاة وبيك منجانه
انت ياهو وشرد اوصفك
والوصف الاكتبه
اتـﮔـول نقطه ابحر غـرﮔـانه
انت ياهو وشرد اوصفك
اذا ورد الكون منك ماخذ الوانه
واذا اسمك فـوﮒ العـرش عـنوانه
واذا التاريخ بسمك ردد الحـــانه
واذا جـدك رسول الله يـﮔـول حسين من عـندي
جـا شنهي الاكتبـه وشوصـــفك آنــــــــه
*****
رد مع اقتباس