هذه اول مشاركاتي في منتداكم الحترم
ارجو ان تصل الى مستوى اذواقكم
ومضه وقصيده الى ابي العراق
الومضه
----------
هذا ابوي بسده حركتني الشمس
وختنكنه بفي عباته
يتمانه وهوه عايش
كلشي ما شفنه بحياته

القصيده
----------
ارد اسافر
ورحل لعالم بعيد
وانسه يم اهلي المشاعر
بلا مشاعر ابقى اريد
شاعر وعذبني وكتي
اقره بجروحي ويصيح بوجهي عيد
ارد اسافر
لن صفت عدنه المكابر اكثر من دموع والدة الشهيد
وارد ادور عن مدينه
خاليه من الخوف ورهاب الوعيد
ماكو بيهه حسين يقتل
واليتبعه يصفك لفعلت يزيد
ماكو بيهه موقف بنحري يحز
من اشوف ام بشرفهه تراوس رغيف الخبز
ولايتامه تجدي لكمه
ولايتيمه لأجل درهم تفتح من الشرف دكمه
اني اريدن كون أمه ... أمه تسحك عالحقير
وانه اريدن ريس الدوله يعينونه فقير
حتى يعرف شنهو همنه
موش من يعله الكراسي بجيب المغلس يضمنه
وانه اريد امي تذب ثوب السواد
من زمان وكمرة امي بحلك حوت
شوكت تنفك ياحزنهه بثوب الابيض من تموت
وانه اريد العيد فرحه تلاعب وجوه الزغار
مو حصار وودمع اخرس موت وراهاب ودمار
اني اريدن علي يرجع
حيل محتاجه يحجي ذو الفقار
وانه اريد اليكدر يقدر ضروفي وضرف جيلي
العاش حرمان وكبت
يشتعل ويه الجكاره وينطفي بأخر نفس
وللأسف محد يحس
عفيه دورولي اليحس بهموم ناسه
عفيه دورولي شريف بين كل اهل السياسه
عفيه دورولي عراقي لهسه ما بايع احساسه
حتى ابقى وما اسافر
بقلمي
علاء فاضل العقابي