حكايه وانتهت
انا ياقلبي لي قلبٍ ترى مثلك انا انسان
تحس او ماتحس ارجوك عبر دمعة عيوني
وهبتك روحي وفكري وجيتك ارتوي عطشان
ابي حبٍ ابي عشره ابي قلبٍ يحس فيني
ملكت الروح والخاطر ملكت احساسي الشفقان
وظويت بدنيتي شمعٍ عقب غدر المزاييني
رسمتك للخيال الحلم , حلمٍ لا ولاقد كان
وجلست اعدها ايامي متى اشوفه نظر عيني
يمر اليوم عقب اليوم وقلبي للقا ولهان
احس اني اذا شفته ..يحس فيني ويجازيني
عن الغربه عن المده ويجيني ماسح الاحزان
يرحبّي يهلّي بي يجي ويصافح ايديني
الا والله انا مسكين واحسب اني انا الغلطان
ولأني صادق بحبه غدا ذا اليوم مشقيني
ولأني كنت به مغرم صرت اليوم انا ندمان
لأني كنت انا السبّه سكن باقصى شراييني
اجيك وفوق خدي دمعةٍ عيت عن الكتمان
اجيك وليت تعرف عن سبب يازين مافيني
بسافر واترك المنتدى وافارق كل هالخلان
ابنسى من لعب فيني وغرس فيني سكاكيني
ولكن لي سوال وبس ابي اعرف من الغلطان؟
انا اللي كنت لك وافي او انت الي مجافيني
تصدق كنت احسب انك بعد مثلي انا انسان
تصورت ان لك قلبٍ احس فيه ويحس فيني
حكايه وانتهت مثل القصص واحد هو الخسران
وسلامة قلبي من الحب ..كفى دمعٍ يخاويني
منقوووووووول
رد مع اقتباس