لا ياكلبي لاتحاجيهم
خاهم يعضون باديهم
خلهم يلومون بنفسهم
خلهم يسهرون بلياليهم
وخلهم للزمن خله يشوفهم
عذابه وينسيهم اساميهم
وبلكي الحركه تجويهم
ومامن دوه يشفيهم يداويهم
وعسى ربك بلغدر يبليهم
ومايصح بدربهم من يوافيهم
وشدعي بعد ياكلبي شدعي عليهم
اكولن ربي لاتهنيهم
ولا تاخذ باياديهم
وعساهم.....
ولاكلك لا لا لا ..
لايا كلبي روح حاجيهم
واتصل واسئل عليهم
ترا ذولي هما الروح وماترهم نجافيهم
ملعون هذا ابليس
خلاني بساعه غضب ادعي عليهم
وانه احبهم حيل احبهم
وحيل احب كلمن يمر بيهم
واموت بساعه يغيبون
واحيه لو يمر طاريهم
يالله يا كلبي شمنتظر
دروح بسرعه راضيهم
وحضنهم وشا قيهم
وبوسهم وحن ليهم
واعتذر باحلى الكلام
دامك انت وكلبي هاويهم

هذا حالي وحال كلبي
وحال من احجي عليهم
روح وحده
نبض واحد
وصيحن نعم لو احد يناديهم
وانه احبهم حيل احبهم
وحيل احب من يمر بيهم
واموت بساعه يغيبون
واحيه لو يمر طاريهم


‏albaghdadyia