شــــكتب للجمــال منيــن ابـــدي ويــاه
أنـا مـــن الجمـــال تعلگمـــت روحـــي
خلـق ربـي جمالــه مـن ذهــب ســـواه
وظلـــــن لاتطيبـــــن عـــاد يجروحـــي
لگيــت آنــي الأحبــه وروحــي تتمنــاه
وتمنيــت بعيونـه يضــوگ كـل بوحــي
أنـا مــارد حبيبــي ومحبــس بيمنـــــاه
يآمرنــي واجيلــــه بصـــدر مشــروحي
وأنفذلــه أليريــده وأفــــرح بملگــــــاه
واصعـده فوگ فوگ وفوگ بسـطوحي
وانثرلـــه ورود الكـــــون تتلگـــــــــاه
واذا راد العمــــر يفــــداه ويروحــــــي
عهــد للــي احبـــه بنـــوب ما انســــاه
ارضيلــه طموحــه ويرضـي طموحــي
يظـــل صامـت حبيبــي هذا ما أخشـــاه
احــس گلبــي بسكوتــه طيــر مذبوحي
علــى بابــه أدز الــــروح تترجـــــــــاه
ويهــب عطـــره عليهــا عود ويفوحـي
وترد روحـــي علــي تصيــح وا ويـلاه
ردم كــل القمــم مــن فــوگ لســفوحي
شــــكتب للجمــال منيــن ابـــدي ويــاه
أنـا مـــن الجمـــال تعلگمـــت روحـــي
الكناري
يونس الجبوري
4/7/2010
شكتب للجمال منين ابدي وياه
رد مع اقتباس