هذا أنا
يهل تنشد
لفاني الظيم
روحي وياك
تلفانه
هذا انه الوحيد
وذبته الدنيا
أعله عدوانه
شرايد بعد
شتكول
يل تنشد
يل حبك
ولا ليله صحه
ويانه
عسى لارد
هذاك اليوم
يوم البيه
ملكانه
يخايب
تعتذر
وتكول دنيانه
يدنيانه
دسمعي الناس
شوفي الظيم بجانه
تدري الصوج موبيها
أنته الناكر
اربانه
نسيت انته
الشعل روحه
يضوي
أدروب هجرانه
اذكرنك على الماضي
لتكول الوكت
يا شوق نسانه
اذكرنك
واذكرنك
جا هيج اليبيع اهواه
أيبيعه ابحفنة ادنانه
وبكيت انه
شبكيت انه
بكيت ابعين
كلها ادموع
ذبلانه
ومصيبه
من يمر العيد
وأشوف الناس
فرحانه
كل هذا
وأحسبك عيد
تعال انته
واحسبك عيد
تعال ونشف
الدمعه
تعال
ولا تخلي الروح
حزنانه
تعال
ولا تخلي الروح
حزنانه




شوق الغريب