صدگ انتي بشر تمشين فوگ الگاع
صدگ انتي بشر تمشـين فوگ الـگاع
ما اصـــدگ ابد يــــا اروع انســــــانه
دورت الگلــب ثاريــه يمـــچ ضـــــاع
وعلــى بابـــچ تظـــل الروح حيرانــه
اظل مشتاگ شوفچ وآجي لچ كلساع
وكــل ذره بكيانــي فيــچ ولهانـــــــــه
احمل لچ عشـگ في سري لو ينــذاع
يخلي ضلوع صـــدرچ بس تحبني آنا
اعذرينــي بمحبتــچ لو صرت طمــاع
ولو گلبــي يثـــور بليـــل بركانــــــــه
على شــاطي الفرات نعالـــج الاوجاع
وما نقبـــل ورود الشـــــوگ ذبلانـــه
يمّ شـــفاه عذبـــه مطعمـــه بنعنـــــاع
ومن العـــاج ربي صـــاغ ســـــــيقانه
يم مبســــم رقيــق يشــع منه شـــعاع
على هونــچ بيونـــس انتــي عنوانــه
ويظـــل هو الوحيـــد متيـــم وملتـــاع
وتظــل منــه المشــاعر فيچ شــفقانه
واكتبلــچ يعمري من الشـــعر انــواع
وتمنيتــــچ معـــاي الليل ســـــــهرانه
صدگ انتي بشر تمشـين فوگ الـگاع
ما اصـــدگ ابد يــــا اروع انســــــانه
الكناري
يونس الجبوري
25/6/2010
رد مع اقتباس