دارميات غزل بقلمي

[محمود شاكر الهلالي]

جيتك يهزني الشوكـَ من جدمي للراس

انطـيـتك دلـيلي الـبي شايلـّلك احساس

000

لا مره لا مـرتين باحلامي اشوفك

اكـَعد توالي الليل واحسب طيوفك

000
اكـَعد توالي الـليل والدمعه بالعين

ما تغمض بلياك دلني الصبر وين

000

ما ظــن صبر للروح يسليني عـــنـك

ينقبض كـَلبي هواي من اسمع اسمك

000

عندي انت مو انسان فوكـَ انت واكثر

وجهك ملاك وشال ميه من الـْصـْوَرْ


**************

بقلمي