تمنيتك تجي واحجيلك الصار
بغيابك جذب ما شفنه فرحه
واكلك علزمن وياي من دار
عبر ليل الفجر ومتاني صبحه
مو هسه تجي ردتك من اسنين
كبل ممكن يلم الكلب جرحه
من جان الدمع تايه عن العين
وبكتابي الحزن ما عنده صفحه
بستاني بغيابك حافته الناس
ومشتاك النخل لجفوف فلحه
قسه وياي الزمن مارحم بجفاك
ونبت يوم الرحت بالضلع رمحه
وعاشرني الحزن ما قصر وياي
عشرت خيط لو عاشر السبحه
دمع عني جمر مو ماي من سال
حرك جفي حرك من ردت امسحه
يلمبعد علي بعدك فلا عيش
الرسايل قهري ما ممكن تشرحه
لان عندي سوالف تهدم اجبال
وعلى لساني حجي محد يجمحه
واسألك يا رماد اليشعل النار
حتى النكسر ممكن تصلحه
وشيفيد الحجي يا صاح وياك
او لو حال الملح بيمن تملحه
سنيني اطشرت بايام الغياب
والساسه وهم شيعلي صرحه
والغيري صرت ما هزك الشوك
يلغافي ضميرك يمتى يصحه


@@@@@@@@@@@@

منقولللللللللللللللللللللللللللللل