ياليل(حوار دافىء بين اسامه وبلسم)

[أسامه الشاعر]

حوار بين اسامه الشاعر وحبيبة الخيال
من وحي خيالي
بلسم اسم من خيالي
....................
............
........
هو:
ياليل تعبني السهر
وماتت بعمري سنينه
ياليل شو طولك شهر
وريلك مداه سنين
ما تخلص فراكينه
ياليل انت صاحبي
بس لاتطول بالحزن
تدري الحزن ياذينه
هي:
ياااااليل
دمعاتي يتيمة حـــــال
مالكت خد التنام اعليه
وتكثر نياشينه
ياليل ارحم من شكه
ياليل ارحم من بجه
ودمعاته مثلك للابد
ظلت تصب انهار
وبشهكه حزينه
ياليل مجروح وعثر
رشك العذل مثل المطر
وارداف طعنات بسجاجينه
هو:
ياليل جاوينه الفجر
موتته دومك بالحزن
مطعون واقفال وسجن
يرجف بخوف ومرتهن
ياليل يادولة حزن
ملفوف باعلام السهر
ومحفوره بحياطينه
ياليل هي قصتي
صارت همومي وسلوتي
وبنظرته سابينه
ياليل نمشي للعدل
تعفيني ييزي من السهر
ومن ظلمتك تعفينه
هي:
ياليل فدوه لوحشتك
خلي الكمر يضوينه
ياليل ماريد الشمس
والعاذل يهد اعلينه
والواشي يلعب بالعرب
ويحشم شياطينه

كان هنا
أسـامه الشاعر
8-5-2010