أستاذ الحب
مدمن صرت بيك وبعد ما عوفك
كل لحظة ابحياتي اتخيَّـل إطيوفك
ما ادري اشلفاني واني بالخمسين
وبنـظرة عيونك صرت ملهوفك
حسبالي حكيم وعندي خبرة وراي!
واگدر ابتعـــد واتجنّبــه الشوفك
بُگت روحي ابنظرتك گبل ما حاچيك
ومن إحچيت..ذاب الگلب بـحروفك!!
چنت گبلك جبل .. ما هزَّه طاري الشوگ
بـــس يوم العرفتك .. سلـــت بجروفك !
بيك اتخبلت... ما ادري بيَّه اشصار !!
أريــدك بــس تحن وانتظر معروفك
آني ستاذ بالحب .. وانته ما مولود
بس شفتك ..صرت تلميذ بصفوفك!
ما صدِّگ .. كياني الماتهزَّه الريح
هيچي ابلحظة زال وذاب بچفوفك
اريد أوصل إوياك لقمة الاشواق
لكـــن دمَّــرتني بشــكك وخوفك
يمعود
دخيلك ... يا أبو الطيبات
لا ... لتگلي بس
ما تسمح إظروفك..!
هاشم الفريجي
رد مع اقتباس