تمنيت عندي جناح
واسولفلك سوالف
عشعشت بالبال
ومن شفتك لهذا اليوم
روحي ترددك موال !
وتنيتك طيف
ونسمه اداعب خدود الصيف
وانه كل يوم اصير بحال
جيه انت علي بعيد
كرهت العيد !
وجيه انت علي بعيد
سكنت البيد !
وتنيت الصوت
وحتى الصوت ما جاني
وحتى الريح ماشالت سلامي
وخطفها الموت .
وهم شايف رياح تموت؟؟!!
وماأ نساك ....
ادور بالقصايد
انت بس الكاك
ادور بالكلب متوسد الجروح الكاك
منهو الكالك انساك ؟
افز مجنون من ليلي
واحس روحي عمر وياك
شكتبلك شعر ؟
ميوفي الشعر معناك !
يبو طول الحلو
وعيون موش عيون
ومدري منين ربي اختارلك
هاللون !
تريد انساك ؟؟؟ هاي شلون ؟
اسولف بيك من اصفن
ومن تغمض عيوني
اشوفك من صدك واتمايزك
قداح
واشكيلك حسرتي
وانت عني بعيد مامرتاح
وتمنيت عندي جناح !
اسولفلك عمر وماخلصت
حجايا الروح
لان بس انت تسمعني
ولان بس انت تفهمني
وليش ؟ وكيف لتكلي
واجيتك ... وخو شفت من جيت
عفت كلشي
وفرحتي اسابك اجدامي
يصير فلان كدامي !
واسولفله
اغمض عيوني ممصدك !
اكرص روحي ممصدك !
وتسولف روحي من بعيد
ولو تدري سوالفهه شكثر جانت
ومن شفتك
ضاعت كل سواليفي
ومن شفت حسيت الكمر بيدي
ومنك مشبعت شبساع
ناوي تروح
وردلي الروح
خاف تروح
غفله وياك من تروح .
تحياتي ماجد الشاعر وتقبلوا مني هذه الارتجاليه
المتواضعه
رد مع اقتباس