قصيدة بقلمي

اريد ابقى العمر ياترف وياك واريدن شفتي تبقى تبوس بخدك

وانيمك بالحظن وافرشلك اعضاي واغطيك بجفن عيني اليودك

واغفيك بشجن قيثارة الروح واسمعك نغم كلبي الي يسعدك

واوديك بحلم ماشايفة من سنين بي يوسف يطيح بعظمتة يسجدك

واترسك شوك من راسك لرجليك وافتحلك كلب حبك الوحدك

روحي تغار من اتشوفك وياي حرمل طكطكت خايف تحسدك

مذهب عدنة واحد هو الاسلام واظن مذهبنة لوشافك يقلدك

شفت شعرك كلبي انقسم نصين واتوقع الحالة لوشفت زندك