السلام عليكم اخوتي الاعزاء
العنوان واضح
كل عضو يدخل ويقوم بالرد على الموضوع
يضيف الدارميات
ليصبح الموضوع مليء بالدارميات
اتمنى ان وصلت الفكره
انا سوف ابدا


الكلب من يشتاك شوكه مصيبه
ومحبوبي لو ضاح من وين اجيبه
&&&&&&&&&&
شراي اجه اعلى الروح عامل عليهه
شتكول ابيع الروح لو تشتريهه
&&&&&&&&&&&&&
حسبالي طيب ذات سلمتك الروح
تالي بوكاحة عين تذبحني وتروح
&&&&&&&&&&&&&
شو ماكو شو ماجيت شو مختلف ليش
. ماتدري بل حسرات هدت علي جيش
&&&&&&&&&&&
ناذر نذر لو جيت وتحظنك ايدي..
... لااكطع انه الشريان من نص وريدي
&&&&&&&&&&

عشرتك انت تروح ماظنهه تبقه...
..مثل الكتب بالماي حبر على ورقه
&&&&&&&&&&&&&

سددت هذا وذاك وايدي عله جيبي *
* ثاري طلعت مطلوب حتى عله شيبي
&&&&&&&&&&&&&&&&
الكلب بس وياك ضحى بحياته*
**وانت العزيز عليه وكل امنياته
&&&&&&&&&&&&&

الكلب بس وياك شاف المسرة
ضحكة شمس واعراس والدنيا خضرة
&&&&&&&&&&&&

اتعجب وبيه احتار دكتور الكلوب
وانطاني وصفه تكول من العشك توب
&&&&&&&&&&&&&&

يبجي الطفل جوعان مشكلته سهله
بس شيسكت الروح من يجفي خلهه
&&&&&&&&&&&&&&&&&

دورت بين الناس ماكو ابصفاتك
واعتقد يوزرسيف بايك حلااتك
&&&&&&&&&&&&&&

ترجف عليك اعضاي كل ساعه وتلوج
ودموعي عالخدين روج بأثر روج
&&&&&&&&&&&&&&
موحش يبعد الروح گلبي التركته
والدم صفه الونات والحسره دكته
&&&&&&&&&

غير اكدر بلياك حته انه اعوفك
بعيوني اضل ماشوف من ما اشوفك
&&&&&&&&&&&&&&&



تحياتي واتمنلى المشاركه من الجميع