كبر وياي حزني وصار الي اثياب
او ولا فاركَـني لحظه جن احنه اصحاب
ردت بس ينفتحلي من السعد فد باب
واثاري حزني لازكَـ بيه ساجني
شنو ذنبي يعالم ليش بيه الصار
يعشكَـني الالم وماحبني غير النار
من ناري صحت بويه آنه منهار
وابويه يكَـلي يبني النار حاركَـني
من دون البشر بس آنه ما مرتاح
صرت احلم اعيش مثل الناس بأفراح
ابد عطر الفرح مني ابد ما فاح
بس ريحة سمومي وحزني كاتلني
يارب يا الاهي بدموعي ارتجيك
الفرج يارب أسألك يمته اناجيك
عبد مهموم يا ربي اناديك
اريد ارتاح ربي يمته بشرني
صبر ايوب صابر بهاي دنياي
وحزني فطر كَـلبي ومردلي جلاي
بكل خطواتي اعثر عثر ممشاي
ورجليه اعله المحن لليوم مشتني
سلني الحزن سل والتويت بسل
عليل المرض مني بعمري مامل
تعبت اصبر يربي وبعد متحمل
حملت المرض من صغري وحملني
ياربي رضيت بقسمتي المكتوب
فكَـر عشت ورضيت شما بيه اعيوب
بعمري ماقسيت وماشلتلي ذنوب
بس مدري الذنوب امنين اجتني
مدري الليل ليش اكَـضيها حيران
اجر حسرات وساعاتي كله احزان
عشت ياناس بس بالاسم انسان
يربي ارجوك من هالعيشه خلصني
ردت انسى الحزن والهم ورايه
واحط للدمع والحسره نهايه
ردت اشتريلي الفرح شرايه
لكَـيت الفرح من سنين بايعني
و
لا راح الحزن مني ولا ول
ولا كَـلي ابتعد عني ولا ول
اشكثر حنيت للذكرى ولأول
واجر صفنات واتحسر سويه
__________________
م\ن
مامش لي احد بس دمعتي وحزني
رد مع اقتباس