الى التي تعرف نفسها ومنزلتها عندي الجزء الثاني
وانت يعيوني عليك
بسرعه قفلت القلب
انت خايف لو احبك
شنو يعني تعتقد لما احبك
يعني اعلنت الحرب؟
كلت احبك
يعني سميتك محب
يعني اعطيتك حياتي
يعني بيدك امنياتي
يعني لو حتى اعوفك
ابقى افكر بيك
واشعر بالذنب
كلت احبك
انت تدري شنو يعني
تكون انت الذكريات
تكون ماضي ثم حاضر
ثم مستقبل حياه؟
يعني دربك هو اني
وانت لي احلى درب
راح اصرخ
انا احبك
رغم عن كل الصدى
وامتلك حسك وقلبك
حتى لو تبعد الى اخر مدى
واذا تسأل ليش احبك
خلص قلبي اللي سرقته
هو ينطيك السبب
كلت احبك
وشفتك بعيني مرايه وكلت بيك
انظر الروحي
كلت احبك
وشفتك انت ضماد
بلجي اتطيب بيك اجروحي
تالي لا دمعي وكف
ولا جرح طاب ونشف
ولا شفت روحي اسف
بس شفت منك جرح
ملجوم ومدبغ ملح
بيه يسعر للصبح
كلت احبك
وهسه بدموع الندم اغسل اجرحي
وهسه بدموع الندم اغسل اجروحي
رد مع اقتباس