قصيدة اقوى من الغزل (خطر)
باجر أني ولوعتي وطول الغياب
نلتم اني وياك بس أثنينه
مانريد الزاد ويولي الشراب
انريد بس ابليس؟ يكعد بينه
بكيفي باجر لاحلال ولاحرام
أثنينه نحقق حلمنه المستحيل
ليل ونضيع بزواغير الغرام
ويانفس وياك تقنع بالقليل
باجر انت الركبه ألك واني الحزام
وشوف ياهو لصاحبه يسلم دخيل
مو قفل عالباب ادك عالباب باب
شده والشيطان بيها يعينه
هيج نشرب ماي من ذاك التراب
وطينك الحري نخلطه بطينه
مو هذاك الشوك لا مرتين زاد
ومنك آخذ حيف حته المو ألي
شكد زرعنه وهالكرب وكت الحصاد
وهاي اليه سنين أحد بمنجلي
خاف تطفي ونارنه أصبح رماد
مثل ذيج الماخذت سيد علي
من تراب الناس وانت تذر تراب
ليش حصة الكاع يصبح دينه
بس تعال بجيتك يجف العذاب
وتدري للخطار نفرش عينه
الطير تتلكاه الكاع شما عله
وطبع ابن ادم مثل طبع الطيور
يجي يوم الشوك يصبح مشكله
رماد يبقه وما يضل عطر البخور
تهيج ألآم المفاصل والكله
ويارصاصة بظهر ابو السكر تثور
ولك لحك باجر يروح الشباب
تنعمي وما تنبرد سجينه
اليوم وكتك من ذهب باجر تراب
وهسه نكدر بس وراهه منيلنه
كوم اخفف لوعتك واطوي العتاب
ساعة وحدة نذب قهرنه اثنينه
ومانريد الزاد ويولي الشراب
نريد بس ابليس يكعد بينه
للشاعر المبدع صباح الهلالي
الامير سامر
حذفت الصور من قبل الادارة
مع خالص تحياتي
رد مع اقتباس