بعد للذيب منصيراله الشاة
ولاالرماي انصير النياشين
ولانقبل نصل بجوفنا يبات
ولااركاب انتحزز بالسجاجين
ولادمعه التجوي تخترق بالكاع
تظل تغلي بخار تنشف الطين
صيده وامنت بحلك تمساح
امان البايك بصدر الدواوين
نطبلها الكهف الحيه خل اتموت
لونكضي العمر نبقى مساجين
دحركلها الجمر الدله خل تفور
وخل يجوي الدمع بطن الفناجين
شفناه القفل موجود بالباب
وشفنا الباب بس ماكو الحياطين
غرسناله الكلب والضلع سور الكاع
وياما كلوب متيها الكياعين
قرينا وجوه للذمه عنوان
وقرينا وجوه بس العناوين
مانرضه بعد شتله بوسط سندان
نمدلها الهرش اطك السنادين
نغتاض وننتفض ونطمه للبير
ونحرثها الارض ونزرع بساتين
بقلمي تحياتي
مصطاف العراقي