نهر عطشان شعر رونانسي

[ام علاوي]

نهر عطشان

حلم يقظة بظهاري الصيف
اريدنك تجيني وناري تطفيها...

ياعين الشمس يانهر من شموع
كاعي امفطرة وتريد راعيها...

ياغابة حلم يانبض هاي الروح
ياحلم الطفولة وكل أمانيها...

أضمنك ردت صورة أبياض العين
أخاف أبجي عليك ودمعي يمحيها؟؟

أذا أكبالي وأكول هواي عني أبعيد
وأظل مشتاك ألك وشلون تاليها؟؟

جرح الينجوي يبره تراه أبساع
اريدنك جمر لجروحي تشفيها...

وإذا حبك سفينة وكلبي صار اشراع
معقولة السفينة أتبيع صاريها؟؟

ومعقولة الرموش أتبيع ماي العين؟؟
وياروجة ألتمل وتبيع شاطيها؟؟

يبو اشفايف عسل والعين لون الياس
ذبلانة الشمس من خدك انطيها...

أخذني بسفرة أعيونك جفن نعسان
اريد بحضنك الدمعات ابجيها...

اريد وياك تاخذني الشواطي الشوك
نهر عطشان روحي بشفتك ارويها...

اكتبلك شعر واعتقد ماوفيت
خجلانة القوافي وكل معانيها...

لأن انته بحر روجاتة من بلور
ولأن كل المعاني الحلوة حاويها...

ياجلمة احبك ميتة بالشفتين
لااكدر اهيد ولاني حاجيها!!

أبجي مو دمع صدكني جمرة نار
ومحتار بدمعتي شلون أداريها...

..................
مماداعب الوجدان

(( منقـــــــول ))
للشاعر جلال البطاط