****والله ندمة *****
مات جوة الكاع حبــــــك من عكب ما جان نجمــــــة
وشرجي صار العمر بعدك يل جنت بأيامي نسمــــــة
أحنة سبحة وطش خرزهة و ما نرد هيهـــات لمــــة
دنيا جذابـة و وكيحـة و هالوكـت مـا عنده ذمـــــــــة
و أني حزني الجـــان جاهل من هجركم صـار زلمـــة
والله ندمـــــة
بيـة وصلت أنسـى أسـمي و ما نســيت بيوم أسـمـــه
و روحي بيني و بينه صارت لاهي يمي و لاهي يمـه
شـما أريـد الزمهة عـنك روحـي ما تنطـيني لـزمــــة
والله ندمـــــة
حصــدوا ببستان وردك و أنة حـسـرة عـلية شمــــه
و كالــوا المقـسـوم يحصل و أنتضر تجمعنا قسـمــة
و لو سـمعت جــدام مرت كلبـي فرفـح كال جدمـــــه
والله ندمـــــة
حـسـبت يذكر محــبتي و بالبواجي عيونـه تعمـــــه
و من ينام بحضن غيري يصير تابوت على جسمه
بطلــت عينـك بواجي و رضت بشفافك البـسـمـــــة
والله ندمـــــة
شـمعــي نورته بطريقك و أنته شـمعاتك مظـلمـــــة
و كـلـي يـا نـوم الانامـه و يـاحـلـم كـلـي الاحـلمــــه
و كافي و أنساهم يا كلبي و ذولة موش وجوه نعمة
تـكـتـب بـدمـك رسـايـل لـلـي مــا يـسـواش كـلـمــــه
و بـعـد لا تـحـمـدلـك أحـد تـالـي هـم تـحـتـاج ذمــــه
والله ندمة
منقول
مع تحياتي امواج بلا شاطئ
رد مع اقتباس