شجاني او من جديد انوب حبيّت

شجــــــــــــاني او من جديد انوب حبيّت
جنت عاقل ، واكـــــــــــــيد اوياك جنيّت
تبت توبه نصوحه امـــــــــن العشك دوم
او على فيض المــــــشاعر حرس خـليّت

إقفلت كلبــــــــــــي قفل مرعوب وبليل
عجيبه اشلون كلـــــــــــي الكلبي طبيّت
للعشرين جن ارجـــــــــــــــــعت ويـاك

او جن كبــــــــــــــــــــلك ولا فد يوم حبيّت
على رموشك كــــــــحل ، من حزن ودموع
او على وركة خــــــــــــــريفي افراح نديّت
ياعين التشيلك يــــــــــــــــــــــــا شمس آب

اشيلنّك جـــــــــــــــــــــــــمر لو الك صديّت
فداك الراح كــــــــــــــــــله ، او انذر الجاي
او عمت عينه اليــــــــــــــــكلك يوم ضحيّت
يا آخر ملاذ ابـــــــــــــــــــــــــــشحة الطيب
او بيت انته او فـــــــــــــداك ايروح كل بيت
تمنيتك تجي ، ابـــــــــــــــــــــــأول اللجمات
واشكد احلمت بيــــــــــــــــــــــــك او تمنيت
لو تدري فرحــــــــــــــــــــــتي ابجيتك هـاي
او لو تدري اشجبت ويــــــــــــــاك من جيت

جبت بسمه لشفافي العطشن اســـــــــــــــنين
والف جرح ابجرح بالـــــــــــــــروح داويت
كلي اذنوب ادري ، او روحـــــــــــــك ايمام
نزعت الماضي وابيض كلــــــــــــــب طبيت
ومن نور البروحك شـــــــــــــــــــاهت العين

او كبل ما طــــــــــــــــــــوف بعيونك تحفيت
اعيشك لحظة لـــــــــــــحظة او اشكي الفراك
انت وياي كــــــــــــــــــــــــــــلك وآنه سليّت
ريتك تبقى كــــــــــــــــــــــتلك ، ريتك اوياي

او كلشي البيك اسمعه ايكول يــــــــــــــــــــــــاريت
كبلك ما عشت ، مــــــــــــــــــــــــــوعمر محسوب
خشبة كنطرة او للــــــــــــــــــــــــــــــــدوس ظليت

للامانه القصيدة للشاعر والصحفي رياض الركابي
امنيتي لكم بالسعادة
الامير سامر