البقيع

كون ارض البقيع بكربلة اهناه
وبتراب العراق انحطها بنيان
لان بس احنه نعرف انت مظلوم
وثلثين الدول ما عدها وجدان
مدينة من الكرم ومعزب الضيف
وسموك الحسن جي كلك احسان
اذكرك كل وكت كل لحظة كل يوم
ورغم هذا التذكر يبقة نسيان
جهاد ويه الصبر واستشهدت بية
ومثل دم الحسين الصبر قربان
سيفك من رجع بالحكمة مو خوف
وشمسك ما طفت بس احنة عميان
اذا جدك محمد مصحف الدين
وانتة الجزء منه بحكم ميزان
يعني الوكف ضدك شوه الدين
واكيد الي يسبك سبلة قران
مو شرط الشكل من تلكة مضمون
الدرب نفس الدرب في كربلاء اهناك
يمك جان نفس الشمر موجود
وكبل ذبح الحسين الشمر سماك
معذور اليكرهك ضدك يصير
اذا الوياك اجت ما ظلت وياك
زحمة نكول عدنا الحسن مظلوم
ومحد ظالمك كد ما ظلمناك
كلمن جاب عذرة وكال معذور
وبحجه بعيد ومانجي نزور
احنه نريدك ويا ريتك اهناه
جا هسه المناره اعلة السمه اتدور
لكن بينا عيب وعيب من عيب
بس العدنا يبقه يصير مذكور


بقلم الشاعر المبدع
جمال الازبجي