امي وأبو الحسن,يا علي.

سوادك ياحزن لابسني من سنين وبذور الالم بالروح مزروعه

.......فلاح الشجن يسكيهن باهات ويخضرن جمر وايام مفجوعه

اسبوع الناس تحزن والعزه يشليوه .. وقلبي من المهد ماخلص اسبوعه

......مهظوم العمر ماشاف راحة بال وجاك من الصبح غركان بدموعه

اجيتك ياعلي مغيم عتب وهموم وروحي من العرك مولاي مشلوعه

............اجيتك ياعلي ياحاضر الشدات .. سابيني الوكت لوعه باثر لوعه

اطوف بحضراك وكبالي الشباك بس شلون الزمه؟ كفوفي مكطوعه

................المن نشتكي وياهو اليقدر الحال.. اذا حتى الشكاوي اليوم ممنوعه

سبع سنين امي ويالدعاء تنوح.. مانزلت اديها لله مرفوعه

.....................يم الباب تكعد تحضن القران.. راح الها ولد ومتانيه رجوعه

مدري بياسجن وبياقبر مدفون.. من يوم اعتقاله اخباره مقطوعه

...................عصرية العرس طب الامن ع البيت ولتمت عليه عشرين مجموعه

اغتالوا زفته وكلبوا صواني الياس.. داسوا ع البخور وعدموا شموعه



*
*
*
بلقيس الجنابي