قصيدة للشاعر الكبير مجيد عامر السعدي
عمري زنجيل اعلى صدرك فرهد سنيني صليبة
تشتت حبة اعلة حبة وكلبي مايبطل نحيبة
تيهت عمري بغرامك عمر ثاني منين اجيبة
حسبت نكضي اليالي وكلمن مكابل حبيبة
وحيبت شوكك الشوكي شوك خاطب للخطيبة
يااغم حسبي الحسبتة ويااغمظنت الخيبة
لني بحسابي غشيمة ونهبت ستري نهيبة
يسدن اهواي المصايب ماسدت مثلك مصيبة
صبرت روحي واكلها كلمن وحضة ونصيبة
ياهواي بعمة الاسود وبالرمد يشكي طبيبة
وياهواك بصيف شرجي اسمزمك يسكيني بلهيبة
انظر وحن الشبابي ياحفد ذيج النجيبة
عذبن عمري اليالي وشيبن حتى الكصيبة
سلبت ستري وعفتني وخبطت ماي بجليبة
وعيرن امي وخواتي بية شمات وكريبة
وحاربت لجلك عمامي واهلي سموني غريبة
بيش عيرك يل مسيحي وانة عارك هم اعيبة
لوردت اشرح نسلكم تنجعل كفرة اعلة غيبة
سبعة بلدنية العجايب وانتة ثامنهن عجيبة
طلكت الدنيا على عيسى ونولد عيسى المسيحة
للصلب جابو نبيكم وهاي دكات القبيحة
ونصلب عيسى بصليبة شهاي العيون الوكيحة
وبالشبه تاليها كلتو موش ميت عدل صيحة
عدل عيسى وبعدة يرزق ريح لله واحنة ريحة
وبالحسن نتحلة منة ومن معاني امة المليحة
وسفة تجبرني اعلة نسلك احجي عن ذمة ومديحة
وتدري بالمظلومة تحجي وتنفتح عتهة القريحة
افضحت للا سلام سري للجاي والرايح تبيحة
ولوزنت عدنة المسلمة تنذبح مثل الذبيحة
ليش تفضحني يخايب وانتة ماضيكم فضيحة
ابنك بطني يتحرك ومرعد احشاي الجريحة
لافرح مرني بحياتي ولاني ميتة ومستريحة
مولحت عيني البواجي ودمعي ما يبطل رشيحة
شكثر بية الخلك نصحت ماخذت منهم نصيحة
كالو ايعذبج حبيبج وتصبح ايامج كئيبة
بهاي تاليتك حبيبي وهاي تالية الطيبة
قصتي لاهي مثل عبلة وية عنتر بن زبيبة
ولامثل قيس وية ليلى وصاحب ايموت الصحيبة
انظر وحن الشبابي ياحفد ذيج النجيبة
سبعة بالدنيا العجايب وانتة ثامنهن عجيبة
كتبت عن الشاعر
مجيد عامر السعدي
مع تحياتي اخوكم
وسام الساعدي
رد مع اقتباس