(( مو گالوا جديد الوطن !! ))

[بلسم الروح]

انقل لكم اعزائي هذه القصيدة بعد ان اعتصر الالم قلبي في هذا اليوم الذي البس بغداد ثوب السواد وجعلها تزداد الما وجرحا ازدادت ايامكي الدامية بغداد الحبيبة فحسبنا الله على كل من يمس شعب العراق بأذى حسبنا الله ونعم الوكيل

(( مو گالوا جديد الوطن !! ))

مو گالوا جديد الوطن راح يصير گبل وين الوضع عن الوضع هسه
گبل خنساء وحده و كلهم يعزون وهسه بكل زقاق و كل فرع خنساا
گبل ما ننسى ميت لو تمر سنين و هسه الصبح ندفن والعصر ننسى
مو گالوا جديد الوطن راح يصير گبل وين الوضع عن الوضع هسه
شوف الناس تحرس لا وطنها يضيع وليش أحنا الوطن ما نعرف نحرسه

هسه الدنيا خربت والوطن منهوب يفرغ بيرحزنه وبيدنا نترسه

وتاهت والوضع ما تدري صار أشلون الشرطي و الحرامي تشابه بلبسه

گبل جانت الغيره تعلي بينا الصوت أشو حتى أبو الغيره ما طلع حسه

گبل جان الأمان يطب على البيوت وهسه البشر كام يخاف من نفسه
مو گالوا جديد الوطن راح يصير ؟ گبل وين الوضع عن الوضع هسه

شوف الناس تحرس لا وطنها يضيع وليش احنا الوطن ما نعرف نحرسه
هسه الدنيا خربت والوطن منهوب يفرغ بيرحزنه وبيدنا نترسه
وطن للشمس بيت تنام بيه نجوم غيوم الدنيا كلها ما تضم شمسه
يرجع شي اكيد ويرد بينا الحيل وتتعالى الاصوات وما تظل خرسه
اطلع يا غريب البيت لأهل البيت طاهر ما نريده اقدامك تنكسه

مو كالوا جديد الوطن راح يصير گبل وين الوضع عن الوضع هسه
شوفوا الناس تحرس لا وطنها يضيع وليش احنا الوطن ما نعرف نحرسه
هسه الدنيا خربت والوطن منهوب يفرغ بير حزنه وبيدنا نترسه
وتاهت والوضع ما تدري صار أشلون الشرطي والحرامي تشابه بلبسه
گبل جانت الغيره تعلي بينا الصوت اشوحتى ابو الغيره ما طلع حسه
گبل جان الأمان يطب على البيوت وهسه البشر گام يخاف من نفسه
موگالوا جديد الوطن راح يصير گبل وين الوضع عن الوضع هسه





منقول

- - -